Page images

For which so sore agast was Emelye,

That sche was wel neih mad, and gan to crie,
For sche ne wiste what it signifyed;

But oonely for feere thus sche cryed,

And wepte, that it was pité to heere.
And therewithal Dyane gan appeere,
With bow in hond, right as a hunteresse,
And seyd; 'A! doughter, stynt thyn hevynesse.
Among the goddes hye it is affermed,

And by eterne word write and confermed,
Thou schalt be wedded unto oon of tho,
That have for the so moche care and wo;
But unto which of hem may I nat telle.
Farewel, for I may her no lenger dwelle.
The fyres which that on myn auter bren
Schuln the declare, or that thou go hen,
Thyn adventure of love, and in this caas.
And with that word, the arwes in the caas
Of the goddesse clatren faste and rynge,
And forth sche went, and made vanysschynge,
For which this Emelye astoneyd was,
And seide, 'What amounteth this, allas!
I put me under thy proteccioun,
Dyane, and in thi disposicioun.'

And hoom sche goth anon the nexte way.
This is theffect, ther nys no mor to say.
The next houre of Mars folwynge this,'
Arcite to the temple walkyd is,
To fyry Mars to doon his sacrifise,
With al the rightes of his payen wise.
With pitous herte and heih devocioun,
Right thus to Mars he sayd his orisoun:
'O stronge god, that in the reynes cold
Of Trace honoured and lord art y-hold,

fire, and its dropping blood, and going out with a whistling noise, signifies Arcite's violent death and last sighs.

1 The next hour of Mars following this, will be found to be three hours after that of Diana.

And hast in every regne and every land
Of armes al the bridel in thy hand,
And hem fortunest as the lust devyse,
Accept of me my pitous sacrifise.

If so be that my youthe may deserve,
And that my might be worthi for to serve
Thy godhed, that I may ben on of thine,
Then pray I the to rewe on my pyne,
For thilke peyne, and that hoote fuyre,
In which whilom thou brendest for desyre,
When that thou usedest the gret bewté
Of faire freissche Venus, that is so free,
And haddest hir in armes at thy wille;
And though the ones on a tyme mysfille,
When Vulcanus had caught the in his laas,
And fand the liggyng by his wyf, allaas!
For thilke sorwe that was in thin herte,
Have reuthe as wel upon my peynes smerte.
I am yong and unkonnyng, as thou wost,
And, as I trowe, with love offendid most,
That ever was eny lyves creature;
For sche, that doth me al this wo endure,
Ne rekketh never whether I synke or flete.
And wel I woot, or sche me mercy heete,
I moot with strengthe wyn hir in the place;
And wel I wot, withouten help or grace
Of the, ne may my strengthe nought avayle.
Then help me, lord, to morn' in my batayle,
For thilke fyr that whilom brende the,
As wel as this fire now brenneth me;
And do to morn that I have the victorie.
Myn be the travail, al thin be the glorie.
Thy soverein tempul wol I most honouren
Of any place, and alway most laboure
In thy plesaunce and in thy craftes strong.
And in thy tempul I wol my baner hong,*

To-morrow, in the morning; i. e., the morning which is coming. 2 It was usual for a knight to hang up his banner in the church,

And alle the armes of my companye,
And ever more, unto that day I dye,
Eterne fyr I wol bifore the fynde.

And eek to this avow I wol me bynde:

My berd, myn heer that hangeth longe adoun,
That never yit ne felt offensioun

Of rasour ne of schere, I wol thee give,'
And be thy trewe servaunt whiles I lyve.
Lord, have rowthe uppon my sorwes sore,
Gif me the victorie, I aske no more.'

The preyer stynt of Arcita the strange,
The rynges on the tempul dore that hange,
And eek the dores, clatereden ful fast,
Of which Arcita somwhat was agast.
The fyres brenden on the auter bright,
That it gan al the tempul for to light;
A swote smel anon the ground upgaf,
And Arcita anon his hand up haf,
And more encens into the fyr yet cast,
With othir rightes, and than atte last
The statu of Mars bigan his hauberk ryng.
And with that soun he herd a murmuryng
Ful lowe and dym, and sayde this,' Victorie.'
For which he gaf to Mars honour and glorie.
And thus with joye, and hope wel to fare,
Arcite anoon unto his inne is fare,
As fayn as foul is of the bright sonne.
And right anon such stryf is bygonne
For that grauntyng, in the heven above,
Bitwix Venus the goddes of love,

after the conclusion of his service, in acknowledgment that the grace to preserve it without reproach was from above. The banners of the Knights of the Garter are, to this day, hung up in St. George's Chapel.

1 This custom appears to have been derived from the Jewish law. St. Paul is said to have shorn his head at Cenchrea, for he had a vow.' Acts xviii. Cutting off the hair is a ceremony still observed at the profession of nuns.

2 The strife in Heaven is taken from the Thebais, i., 212.

And Martz the sterne god armypotent,
That Jupiter was busy it to stent;
Til that the pale Saturnes the colde,
That knew so many of aventures olde,
Fond in his olde experiens an art,
That he ful sone hath plesed every part.
As soth is sayd, eelde hath gret avantage,
In eelde is bothe wisdom and usage;
Men may the eelde at-ren, but nat at-rede.
Saturne anon, to stynte stryf and drede,
Al be it that it be agayns his kynde,
Of al this stryf he can a remedy fynde.
'My deere doughter Venus,' quod Satourne,
'My cours, that hath so wyde for to tourne,1
Hath more power than woot eny man.
Myn is the drenchyng in the see so wan;
Myn is the prisoun in the derke cote;
Myn is the stranglyng and hangyng by the throte;
The murmur, and the cherles rebellyng;
The groyning, and the pryvé enpoysonyng,
I do vengance and pleyn correctioun,
Whiles I dwelle in the signe of the lyoun.
Myn is the ruen of the hihe halles,
The fallyng of the toures and the walles
Upon the mynour or the carpenter.
I slowh Sampsoun in schakyng the piler.
And myne ben the maladies colde,
The derke tresoun, and the castes olde;
Myn lokyng is the fadir of pestilens.
Now wepe nomore, I schal do my diligence,
That Palamon, that is myn owen knight,
Schal have his lady, as thou him bihight.

Thow Martz schal kepe his knight, yet nevertheles
Bitwixe you ther moot som tyme be pees;
Al be ye nought of oo complexioun,

That ilke day causeth such divisioun.

1 Saturn being, of the planets then known, the most distant from the sun.

I am thi ayel, redy at thy wille;

Wepe thou nomore, I wol thi lust fulfille.'
Now wol I stynt of the goddes above,
Of Mars, and of Venus goddes of love,
And telle you, as pleinly as I can,
The grete effecte for that I bigan.

Gret was the fest in Athenus that day,
And eek that lusty sesoun of that May
Made every wight to ben in such plesaunce,
That al the Monday jousten they and daunce,
And spende it in Venus heigh servise.
But by the cause that they schuln arise
Erly a-morwe for to see that fight,
Unto their reste wente they at nyght.
And on the morwe whan the day gan spryng,
Of hors and hernoys noyse and clateryng
Ther was in the oostes al aboute;

And to the paleys rood ther many a route
Of lordes, upon steede and palfreys.
Ther mayst thou see devysyng of herneys
So uncowth and so riche wrought and wel
Of goldsmithry, of browdyng, and of steel;
The scheldes bright, testers, and trappures;
Gold-beten helmes, hauberks, and cote armures;
Lordes in paramentes on her coursers,
Knightes of retenu, and eek squyers
Rayhyng the speres, and helmes bokelyng,
Girdyng of scheeldes, with layneres lasyng;
Ther as need is, they were nothing ydel;
Ther fomen steedes, on the golden bridel
Gnawyng, and faste armurers also

With fyle and hamer prikyng to and fro;
Yemen on foote, and knaves many oon

With schorte staves, as thikke as they may goon;
Pypes, trompes, nakers, and clariounes,
That in the batail blewe bloody sownes;
The paleys ful of pepul up and doun,
Heer thre, ther ten, haldyng her questioun,



« PreviousContinue »