Page images
PDF
EPUB
[blocks in formation]

I. Al mes de junh que chanta la tortera,
El rossinhol el tort el merle calan,
E li pastor non cantan ges ni balan,
4 Vuelh yeu cantar e far canso mot vera,
Car de midons puesc cantar ab tristor,
Qu'en degun loc nom vol far bona cara,
Don m'es trop greu, qu'ieu l'am de gran amor,
8 Sitot me fay vida tener amara.

II. La quinta part no trebalha, quant ara

Boyers ab caut, qu'ieu fau quar midons ami,
Quar de la mort, a tota gen m'en clami,
12 Seray de pres, si breumen no m'ampara,
Sivals d'aytan que per sa gran valor,

Gardan son pretz, per servidor me vuelha,

[v°]

Car de bon cor li vuelh portar onor

16 E gen servir, que nulh temps no m'en tuelha.

III. Bem merevilh fortmen que nom recuelha
La gentils res corteza de bon ayre,
Qu'ieu l'am .c. tans que no l'es a vejayre
20 D'amor coral, e nom val una fuelha,
Marrit, dolen! e perdray ma labor

E mon esfors, qu'en re del mon nom valha,
Non ja del tot, qu'en la dona gensor

24 Quem par el mon le mieus cors se trebalha.

IV. Nos pot ges far que midons tan deffalha

Que per amor vas mi, las, no regardo Li sieu bel huelh; pero si gayre tardo, 28 Languiray trop, quel sieu[s] pretz me trebalha, El mals quem te per lies, quem da pejor Affan tot jorn que degus mals que sia; Per que murray, si breumen valedor 32 No puesc trobar d'aquesta malautia.

V. Si'n breu de temps yeu no puesc trobar via
Cum de midons sol d'un pauc me gauzisca,
Ja no calra que de lieg me partisca,

36 Tan seray las e ples de felonia;

Pero luns oms, silh platz, de ma rancor
Nom diga mal, ni tenga ges per fada
Ma volontat, que per la gran dolsor
40 Del gentil cors de midons es forsada.

VI. Midons val tan qu'ieu no trobi melhor
Dona per mi, don m'es al cor intrada,
E car m'es trop escura, per temor,
44 Vuelh la nomnar neta Flor que m'agrada.

XLV.

P. de Ladils. Canso.

I. Ay gentils cors, miralhs de grans beutatz,
Cambra de joy, don nueyt e jorn sospir,
Tan que no puesc adreytamen dormir,
4 Valham merses per vos e caritatz,
Qu'ieus ami tan, Dona, que re no say
Si fau pecat o sim mou de vertut;
Pero d'aytan m'a natura vencut

8 Que vol per fort qu'ieus am de cor veray.

II. Naturalmen soy dregz enamoratz

De vos, quem faytz, Dona, ses ops morir,
E re no say cum podetz tan falhir,

12 Qu'en re del mon, som cug, tan no pecatz;
Per qu'ieu vos prec quem digatz que faray,
Que, sim tenetz en esta servitut

Lonc temps, ses joy d'amor[os]a salut,
16 Ja degun be d'aquest mon non auray.

III. La gensers etz, segon lo mieu semlan,
Femna del mon, per queus am trop eus vuelh,
Ela beutatz vostra senes orguelh

20 Fay me languir, Dona, per dreg talan,
E sin puesc may, ja Dieus nom tenha pro,
Mas la valors el bel captenemen

Que son en vos me fan estar jauzen
24 Alqunas vetz, e may soen felo.

]F° 41 ro] IV. Dona, vejatz e cogitatz l'affan

Qu'ieu trac per vos, e sabretz de quem duelh,
E si l'ondratz vostre cors no m'acuelh,

28 Muray breumen, joy d'amor deziran;
Mas empero ja nom diretz de no
Que nom prengatz, som cugi, per sirven,
Qu'ieus serviray de bon cor leyalmen,

32 Qu'al menhs n'auray de lauzor gazerdo.

V. Tan m'es intratz vostre cors blanx e lis,
Umils e franx, Dona, dins en mon cor,
Que ja, lun temps qu'ieu viva, per lunh for
36 Non ishira, neys que mays [yeu] nous vis,
Ez er mal fag si no von pren merces,
Ans que m'ajatz delit del tot e mort,

Qu'ab fort petit quem detz m'auretz estort, 40 Sius ve de grat, per Dieu, corteza res.

VI. Si nom valetz, ishir vuelh del pahis,
Qu'ieu soy per vos, sabchatz, vengutz a l'or
De far mon dan, si mos volers no mor,
44 E s'ayshis fa, sera laja ma fis.

Bem fora mielhs que vista nous agues,
Si'n breu temps no venem d'un acort,
E sim ve dans per vos, pecaretz fort,
48 Car, segon dreg, m'en degra venir bes.

VII. Als vostres mans seray, Dona, sosmes,
Sitot me faytz, ma bela Flor, gran tort,
E tendray vos nueyt e jorn en recort,
52 Eus amaray de bon cor, cuy que pes.

XLVI.

Peyres de Ladils. Dansa.

No say quem diga nim fassa,
Tan soy destregz per Amor
3 E feritz de sa gran massa.

I. Tan soy vas lies temeros,
Qu'ieu ami de cor e lauzi,
6 Que nol puesc dire ni l'auzi
Lo fayt don soy talentos,
Que sa beutatz mon cors lassa
Del liam de gran temor,

10 Per que mos volers trespassa.

II. E que faray, las, dolen!

Que som ditz qu'enans s'ardria 13 Que nulh plazer nom faria Midons, on mos cors s'aten. Nom laysharay per menassa Qu'ieu nol port tostemps onor, 17 Mon grat, a cuy que desplassa.

III. Pregar li vuelh de bon cor

Que de mi per Dieu nos clame,
20 Car ja no vuelh que diffame
Si mezeysha per nulh for,
Car sa beutatz me percassa
El pretz de sa gran valor
24 Qu'ieu siega tot jorn ma cassa.

IV. Sol qu'a ma bela Flor plassa,
Yeu vuelh cantar ab baudor
27 De lies, on valors s'amassa.

XLVII.

Frayre R. de Cornet. Cirventes d'escax.

I. Qui dels escax vol belamens jogar
Entaulel joc, si cum deu, finamen,
Quar om lo deu per fals entaulamen,
4 Quan notz, sis yol, autra vetz comensar.
Escax ni lox pres ni tocatz no sia
Ges per nient, e qui far no podia
Joc de tocat, perdal joc sos talans,
8 E que valgues may que l'autres cen tans.

II. Om deu voler qu'autres l'auze matar,
E que fos reys, pueus a jogar se pren,
E qui vol be jogar ardidamen

12 Prenga lo joc ab .I. son contrapar.
Quan no s'enpren, jox d'escax se cambia
Quasquna vetz, qu'estiers pars no seria.

[ocr errors]
« PreviousContinue »