E dels prelatz ques damno per boban
27 Ajal tezaur, si lay per [Dieu] no van.
IV. Ayssi mezeys, totas vetz melhuran,
Fara le reys pros e valens angles,
Que de bos fagz es veramens apres,
Car semlar vol als sieus bos ansessors,
32 E par vertatz, car ab sos valedors
Ha conquistat suls Escotz omenatge,
Per que fara, som cugi, lo passatge
Volontayros, e ferra de son bran
36 Lay suls payas que re per Dieu no fan.
[F° 38 ro] V. Tot so qu'ieu dic al rey franses denan Fara, som cug, le reys aragones,
E mielhs, si pot, car el certamens es
Dels prencipals on nays pretz e valors.
41 Pueys tug li rey don ve leyals amors
Vas Gezu Crist, ques mes per nos en gatge,
Faran de cor tug essemps lo passatge;
Pero de lay premier comensaran
45 De batalhar frayre de san Johan.
VI. A totz ayssels que de say remandran
Doni cocelh que doas vetz o .III.
Prego tot jorn Dieus, que per nos mort pres,
Que do salut als sieus guerrejadors,
50 Si quel payhis dels payas trichadors
Puscam donar a tot nostre linhatge
Per tostemps may, fazen aquest passatge. Tot so qu'ieu dic se feyra Dieus avan, 54 Sil reys franses prezes cor de Rollan.
VII. Ma Rosa prec que mantenhal barnatge
Dels crestias que faran lo passatge,
Si quelh payha que nos batejaran
58 Mueyran per lor, Gezu Crist ajudan.
Pey de Ladils. Tenso
ab frayre R. de Cornet, monge.
I. Frayre Ramons de Cornet, per amor
Vuelh tensonar ab vos, cumpanhs, sius platz:
Dos omes say, rix, d'un gran, assazatz,
4 Joves e bels, e so d'un parentor;
L'us es tan prims qu'en re no fay que pros,
L'autres es larx, fazen mals faytz e bos;
E pregui vos c'ades me volhatz dir
8 Qual, segon Dieu, vezem plus deffalhir.
II. Pey de Ladils, totz om pren dezonor
En aquest mon, quan li falh sa rictatz,
El nessis larx en despessar coytatz
12 Pot leu venir en aquesta rancor;
Per que menhs falh l'avars prims quel ricos
Larx senes ops, que pueys viu frayturos;
E si viu rix, fay son boban auzir,
16 E notz li mays lo viure quel morir.
III. Segon quem par, vos captenetz error,
Frayre Ramons, e remandretz ne matz,
Quel prims avars deu plus esser blasmatz,
20 Car no vol gaug ni proffieg ni lauzor,
El nobles oms larx, valens e joyos,
Despessa mays que no dicta razos,
Car se vol far a totas gens grazir,
24 Per que del mays om grat li deu sentir.
IV. Trop larguejar teni per gran folor,
Pey de Ladils, car es trop grans pecatz,
Que larguejan es om desmezuratz,
28 Parliers e mals, e ples de gran ricor,
E totz om prims es savis e guiscos,
Humils, suaus, e tostemps vergonjos,
E car no vol de son aver servir,
32 D'autre mal far no s'auza ges plevir.
V. Vos captenetz l'escas ome, pejor,
Frayre Ramons, que nulha malvastatz,
Car el no vol ni fo sa volontatz
36 Que despendes mas ab granda tristor,
E dizetz mal d'ome larc, volontos
De far proffieg a totz sos cumpanhos,
que vol si gen caussar e vestir
40 E de sos bes motas gens avantir.
VI. Leumen vezem, Peyres, de gastador
Que vol estar gen vestitz e caussatz,
E be pascutz e gent arrigolatz,
44 Don laysha Dieu per tener gran baudor,
El prims avars, mot gardans e curos,
Viu paubramens e non es orgolhos,
Per que deu mielhs a paradis venir
48 Quel vils oms larx, que beutz se vay dormir.
[F° 39°] VII. Merse trobet ab son cortes senhor
Us vils oms larx, quan sos bes ac gastatz,
Frayre Ramons, per so quar larguetatz
52 Mou de bon loc e de granda valor,
El prims avars que no volc al lebros
Dar ni valer es en loc tenebros,
E ja d'aysso nom volhatz desmentir,
56 Si no cujatz santa Gleyza delir.
VIII. Quar umilmens tornet a son pastor
Querre merse, Peyres, fo perdonatz
Lo vils oms larx, de sos bes despolhatz,
60 E que promes de far vida melhor,
E no crezatz que l'autres damnatz fos
Mas per aysso quar en totas sazos
S'arrigolet e no volc cossentir
64 D'almoyna far, e Dieus volc l'en punir.
Mossen Ramons, yeus vi frayre menor,
Cortes e bo, certas, per quem desplatz
Quar monge blanc rustix vos etz tornatz,
68 Escas e prim, vila, dreyt laurador,
E si l'abatz vostres fos coratjos
Queus des pro carn tot jorn e del vi blos,
Ja d'aquel loc pueus nous vira partir,
72 Ayssi cum faytz, Dieus vonh layshe gauzir !
X. Li monge blanc son de granda labor
E valo may quel mendican, sabchatz,
Peyres, e vos qu'etz nessis avocatz
76 Teni per fol e per gran cridador.
Cabrotz, aucatz, galinas e capos,
D'avol percas avetz e grans peyshos,
E malevatz, don vos faytz escarnir,
80 Quar no pagatz. Ayssius vezem regir.
Escas e prims e caytius seretz vos,
Frayre Ramons, e tostemps cobeytos;
Mas yeu seray larx d'aver ses cossir,
84 Pueus que m'o vol ma bella Flors suffrir.
XII. - Pey de Ladils, vos seretz otratjos,
Si larguejatz, e mals e perilhos;
Ma Rozam fay l'escassedat chauzir;
88 Ayshius sal Dieus lo vezer e l'auzir !
E vay el so: « Aras can vey quel glas e la frejor. »
D'amar lies, que m'es sobriera,
Pregui vos nom fassatz tort,
Car yeu tostemps soy d'acort
8 De far so qu'elam requiera.
II. Amors, cum podetz sufrire
A lies quem fassa dezert
De joy, pueus quem vezetz cert
12 A totz sos comans cumplire.
Prec vos, car etz dreyturiera,
Que la costrenhatz per fort
Quem do, sim voletz estort,
16 Joy plazen d'amor entiera.
III. Amors, vostra senhoria
Conosc el be qu'es en vos,
Que totz fizels amoros
20 Tenetz en vostra baylia,
Per qu[e] ieu me vuelh [a]trayre
Vas vos, e dreg quem demor,
Que fassatz a lies pel for
24 De mi nueyt e jorn mal trayre.
IV. Amors, vejayres nous sia
Quem tenha midons joyos,
Ans fay per vos al dejos;
28 E valha mi cortezia,
Qu'ieu vuelh sufrir mon dezayre,
Sirven lies tostemps de cor,
E si mos volers ges mor,
32 Quem tenhatz per baratayre.
V. Amors, vos me fatz dishendre,
E midons tan aut montar
Que sol nom vol mot sonar,
36 Ni mos leyals prex entendre,
Ez am pres ab tal cadena
Que no m'en puesc dezishir
Ni lies bonamen servir,
40 Tan suferti mortal pena.
|