Quar yeu planc mi els autres en sospiri soen,

4 Car vey error montar tan que la fes dishen,

Per un mal bruelh que gaysha, donan gran pessamen,
Orguelh, tort e barat, cobeytatz que s'esten

Per trastot aquest segle, que frayre ni paren

8 No pot vezer l'u l'autre, s'ades del sieu no pren.

II. Vejatz nostres pastors, quens degran governar,
De la santa clercia cossin fan lor afar,

S'an cobeytat el mon, quasqus n'auzetz parlar.
12 S'om vol huey apostoli elegir e triar,

O qualqu'autre prelat, o granda renda dar,
Nos fara segon Dieu, ans los veyretz armar
E possedir per forsa ab sol qu'o puesca[n] far.
16 Ayssi ab simonia vezem los trop renhar.

III. Pueys quan son cofermat ses dreg, a lor talan,
Elh movo plagz e picas en so que dreyt non an,
E l'us ordes ab l'autre mostro nos mal semlan.
20 Anc no bastit tal regla sans Augustis, sous man,

Sans Franses, sans Domenges, nis fa per lor coman.
Per contrast perdem Acra, per orguolh e per ban;
Tolzas n'es en gran brug, Albeges en plus gran;
24 E nos que n'em en dobte; Dieus nonh garde de dan!

IV. Los temporals pastors, poestatz e baros

Nos gardon eneyssi cum[a] fan lop motos, Qu'elh guerrejon l'us l'autre es movon questios, 28 Per sostrayre al poble l'argen blanc e l'aur ros. Demando nos sucsidis, sincantes, prest e dos, Cavals armatz, sirvens; monedas camjo nos; Pueus fan patz entre lor, quan li mesqui son ros. 32 Bordales est rendutz; vejatz los dans els pros.

[Fo 36 r°]

V. Senescals e bayliu son senhor del pahis,

Qu'elh rompo las costumas als cossolatz mesquis, Sitols denant en reyre, grezar degrols camis. 36 Per argent auretz letras a tot vostre devis ;

Tantost n'aura de contra vostre mortals vezis.
E s'un rix ha mesfag, er en la borsa mis,
El paubres er pendutz so vol vermelhs o gris.
40 Ges ayssi nons regia le bos reys sans Lohys.

VI. Autres pastors avem, cossolatz bos e plas,

Que tostemps estan cossols, elhs o lors plus propdas. L'us ne fay botz o frayre, l'autre cozis girmas, 44 E fan quistas e talhas que prendon a lors mas. Be sab Dieus cossi talho los rix contrals mejas, Ni cossi pelhols paubres de cuy son gardias; E luns oms de lor cunte[s] no sab si son certas ; 48 Mas semlans es que no, que trop son secretas.

VII. E si de lor capitol ha pueys mestiers degus,

Dira lor la razo, tantost respondralh l'us :

<«<Huey nons hi letz atendre; tornatz dema say shus. >> 52 Menaran vos de mars en jous, de vendre en lus; Davan lor faretz mens que sel qu'aten n'Artus, Si dabans non siervetz .II. o .ш. o neys plus; Pero s'etz de lor bandol, ben sera leu conclus. 56 De tums en bilhs nos meno ayssils cossolatz crus.

VIII. Si mal son li pastor, nos dessiples plus mals,

Que murtrem e raubam; am paraulas mortals Lauzenjam la us l'autre, e fam de bo nom fals; 60 Nos dizem mal dels reys nostres senhors carnals, E mal dels apostolis nostres payres esperitals. De papa Bonifassi an dig fon iretgals

Alqus pex aborditz; no son pas filhs leyals: 64 Par a la soboltura quelh feyrols cardenals.

IX. May trobaretz mest nos, si m'avetz prestat re,
Que s'o voletz cobrar lo libel nos cove,
Ez aprop la sentensa pueys apelaray me;
68 En ayssius o tolray a mo vol per jasse.
Trobaretz per la terra dels comus, e gran re,
Qu'ab cossolatz plaidejo e ges non esta be:
Fals plag es [et] engans, renuous e mala fe;
72 E tans d'autres mals renho, nom sove del mile.

[v°]

X. Mas preguem Jezu Crist, sel qu'anonsiet patz,
Patz breumen nos trameta, nos purgan, quels crozatz
Passon al san sepulcre, que dels pagas malvatz
76 Cobrem la santa terra, que Dieus hi sia ondratz.

XI. Bels Miralhs clars e fis, fag ay mon sirventes,
Quel sans payr'apostolis, el nobles reys franses,
E tug li regidor, e trastug li sosmes

80 Se purgon es melhuron, ol milhiers non val tres.

XL.

En P. Duran de Limos pencheniers

fe aquest vers.

I. De far un vers soy eras ben d'acort,
Per fin'amor, pessan del gay saber,
Quar es suptils, que dona gran plazer
Als amadors, gaug, solas e deport.
5 E sel que vol d'amor pretz conquistar
En totz sos faytz deu vicis esquivar,
Aman de cor veray, e gen servir,
E merceyar si dons, els bes grazir,
Sufren los mals, car en apres afans
10 Ab bon esfortz pot esser benanans.

II. Qui vol d'amor avenir a bon port

No vuelha dir a degu son voler,
Ni desselar so que pot dan tener,
Que fols parlars soen procura mort.
15 Savis es donx qui fug a fol parlar,
E fols qui ditz so ques fay a selar;
E qui sos joys secretz no sab tenir
E mals e bes pessar ab gen cubrir,
No sec lo cors que far deu fis amans,
20 Que vol en patz sufrir los bes els dans.

[Fo 37 ro]III. Fizels amors dona gaug e cofort
A ssel que fay de valor son poder,
Segon que val, gardan pretz e dever,
Car falhir pot sis fay de major sort
25 Que far no deu, per fol otracujar;
Car assatz fay quis deffen a sson par,
Per que nos deu ab plus fort arramir.
E sel ques vol de fin'amor jauzir
Sia verays e fis e ses engans

30 Ayssi de cor cum mostra per semlans.

IV. Totz fis amans se pot dar bo conort,
Car amors vol aman fi retener,

Franc ez humil, el fay sobrevaler,
E l'orgolhos no vol en son ressort;
35 Don fis amans se deu humiliar

E bon socors querir e sopleyar,
Umils e clis, a si dons obezir
Entieramen, volontos de murir,

Ans que falhis contra los sieus comans, 40 Car sel que falh mot fay estar celans.

V. Fols cobeytos par sel que vol a tort
Conquistar so que d'el nos tanh aver,
E qui vol trop montar bas deu chazer,
Cum sel que vol guerrejar ab plus fort
45 De si meteys, tot per sobremontar;
Per que totz oms se deu amezurar
En totz sos faytz, gardan si de falhir,
E colbs e lox esperar e suffrir,

Que trop coytar tol may en .I. sol lans 50 Que restaurar nos pot ges en .vII. ans.

VI. Mos bels captenhs, d'auta valor ses par,
Flors de joven, miralhs de fin pretz car,
La vostr'amors me fay rejovenir,

El dous parlar ab plazent aculhir

[v]

35 Me tenon gay, flors gentils agradans,
Per qu'ieu vos soy fizels humilians.

VII. Pros coms Gastos, jamay nom vuelh partir
De vos lauzar; ans me deu abelir,

Car vostre pretz sobre totz es montans
60 Comtes e dux, marques ez amirans.

XLI.

Frayre Ramon de Cornet. Sirventes.

I. Per tot lo mon vay la gens murmuran,
De quem sab bo, quel noble reys franses,
Vol otra mar guerrejar ab Turques,

E tanh se be qu'om li done socors,
5 Que sis pot far que lay mostre sas flors,
Nos cobrara, som cugi, l'eretatge
Quens promes Dieus, si fam be lo passatge
Devotamen, la santa crotz portan,

9 E salvarem nostras armas passan.

II. Lo sieu poder e tezaur sobregran
Trametra lay per cardenals, som pes,
Le payres sans, on jay la nostra fes,
E may, som cug, devotz coffessadors,
14 Que de tot cas absolvran pecadors;
Per quey devem tug anar de coratge.
Prelatz veyrem que faran lo passatge;
Religios iran lay predican,

18 Al[s] Sarrazis la fe de Dieu mostran.

III. Si de passar ha nostre reys talan,
Mande sas gens, comtes, dux e marques,
E dels baros e dels autres sosmes,
Tro n'aja pro dels que veyra melhors;
23 E mercadiers, borgues, e grans senhors,
Que no voldran ab el far lo viatge,
Merme d'aver ab que fassal passatge,