Que yeu soy certz queus covengra negar, 44 E pueus saubratz don vengra la rancor. Mas de mi fol tug seran gardador, Si conoysho nom sabcha governar, E daran me per Dieu o per paor, 48 O per amor, car m'auran per joglar.

VII.

Car

Pey Trencavel, pessatz de la labor,
ges coblas no sabetz azegar,

Que fals parlatz e captenetz error.
52 A maystr' Arnaut Daunis plassa jutjar.

VIII.

Mossen R., beus fora mays d'onor

De be legir que non es de trobar,

El digz Arnautz, qu'a de trobar la flor, 56 Vuelha non dreg ades, silh platz, gitar.

Anc no fo jutjada.

XXX.

Le digz frayre R. Tenso

ab mossen W. Alaman, cavalier.

1. Aram digatz, en Guilhem Alaman,
Sius te velhenx dins vostra mayzo pres,
O la molhers, aytals vielha cum es,
4 0 paubretatz, o sius pueg ges onors,
Que vos soletz cavalgar per amors
E mantener pretz valor e paratge;
Mas auraus vey mudat tot de coratge,
Si que tot jorn vos anatz capuzan
9 Un bastonet, a costuma d'enfan.

II.

Ramon Cornet, car etz messacantan, Vos diray tost de mon afar cum es. La molhers m'a e velhenx si sosmes 13 Quel cor nil cors no puesc virar alhors. [Fo 30 ro] E digatz me cum los frayres menors

Avetz layshatz, ni fag tan gran otratge,
Qu'auzit ay dir que, per lo beguinatge
Que faziatz ab fray Peyre Joan,

18 Fos pres d'usclar az Avinho antan.

III.

---

Amix W., vos anatz pasturan

Vostres capos, don vos tenc per cortes,
E car tot jorn melhuratz vostres bes,
22 Cugetz aver l'autr'an dos curadors;
E digatz me de vostres ansessors

Si vendiu peys, per cumprar vil fromatge.
Pero vos etz vengutz en pipiatge,

Frevols e fatz, ab lo cap tot ferran,

27 Don la molhers se vay tot jorn claman.

IV. Hieu vendil peys, que nol m'anetz gastan,
Glotz capelas, caytius e mal apres,

E pot se far que la molhers volgues
31 Marit plus fort ab las ancas melhors;
E car suptil vos sabols trobadors
En far chansos, fan vos gran avantatge,
Que sobre totz vos fan de lor estatge,
Si qu'en avetz la violeta cad'an;

36 Ayssius sal Dieus los huelhs cum el laus dan.

V. En cavaliers, beus fau saber aytan

Que vos etz prenhs o de postema ples, Don la molhers se planh del vostre pes, 40 E sobre tot quan fay grandas calors; E volgra be queus bayshes las imors Del cors poyrit, donan qualque beuratge, Que temors es queus dono gran damnatge; Mas empero noy conosc mal ni dan, 45 Sius pren la mortz, que no valetz un gan.

VI. Si nous anes la lenga blessejan

E non axetz el braguier tan d'arnes, Vos foratz ja, Cornet, segon quem pes, 49 Maestres fagz de totz los trobadors;