Que ja depueys leumen no lh'o segran, 8 E sis n'irays, jamays nol daran patz.
II. Armar se deu contra parliers malvatz
Quasqus fortmen de vera passiensa,
Quel passiens los vens mielhs ses ofensa
12 Que mal dizen no fay le corrossatz.
E veyretz o, quius ditz un desplazer,
Sil respondetz piegz o d'aquel semlan,
Qu'el von dira mot leu depueys tan gran
16 Queus doblara, si pot, lo mal saber.
III. Sel que no vol o no pot sostener
Trufas ni gabs, no prenga cumpanhia
De jovensels ni d'ome nulh que sia
20 Trop solasciers, que leu fan non dever;
E si per lor es nulha vetz torbatz,
Non sone mot ni s'ane malejan,
Que leu vezem qu'en ditz on fay son dan 24 Oms soumogutz, pueys que s'es abrivatz.
IV. Savis e bos fora totz om clamatz,
Si refrenar volgues del tot sa lenga,
Que no dishes messonja ni flatenga
28 Ni ses totz ops desplazens veritatz,
Mas que parles be quan pogra valer
Sos digz en fag leyal e ben estan,
E no volgues enuegz dir contrastan
...........ast pro no degues aver.
V. ....falh quc...op vuelha parer
Quel sabers fis, quan lox e temps o dona, 36 Fay son capdel e si meteys vezer,
Per quel sabens cumplidamen senatz
Lauzor no quier, si no pero calan,
El nescis fols quier la tot jorn parlan,
40 Don es maldigz per trops a cuy desplatz.
VI. Oms de valors, quan l'es ofessis datz, Pessar deu mot de be far sas fazendas, Quelh lauzengier teno pres de lui tendas, 44 Pels cals sera de lenga batalhatz;
E si fay be, d'ome nol cal temer,
Per nom de lor, que ja mal nolh faran, Mas lo dever de son capdel gardan, 48 Pot far enuegz quelh toldran son poder.
VII. Pretz e valor pot quis vol conquerer,
Dizen bos motz e fazen bonas obras,
Pauc despenden, fazen be de las sobras,
52 A dreg cumpas, ses bo nom decazer,
E qui no val can n'es aparelhatz,
Ja quan er vielhs no poyra valer tan,
Quel poders falh el sens vay biayshan
56 El temps perdutz no sera ja cobratz.
VIII. Quascus deu fort tot jorn estar pessatz
Cum si meteys, quan be poyra, cabisca, E pueus cabitz d'aquel loc nos partisca, 60 Ni fassa mals per qu'en sia gitatz, Car ja luns om que no vol remaner En bo loc cert no fara lun boban, Que paubres er si vay lo mon sercan 64 E vol son pro gitar a non caler.
IX. Lun trobador que sapcha far dictatz
No prezi mot, si no fay quasqun an
Vers e chanso, quan la roza s'espan,
68 E sirventes, quan n'es aparelhat[z].
I. Razos ni sens no pot vezer lo moble
D'amor leyal, sils huelhs d'ome no cluca,
Pessan del joy quel pessamen aluca
4 Mielhs que jorns clars e dona saber noble;
Per qu'ieu me vuelh gen clucar e rescondre,
Tan que pessar no vuelh d'autra bezonha
Mas de lauzar so que tot mal delonha,
8 Que dregz o vol a cuy devem respondre.
II. Montan valor deu totz oms son cors fondre,
Si vol amar finamen senes peca,
Deziran joy que n'aura si baveca
12 L'entendemen quel mal vuelha rebondre; Donx yeu, que vey tot claramen lo signe Del joy d'amor que totz fizels demora, Vuelh may languen perdre so quem devora 16 Quel joy nomnat precios e benigne.
III. Devers estranhs vol e ditz que resigne,
Per fin'amor, plazer ab vertut flaca
Quis vol noyrir francamen senes taca
20 L'esperit sieu rezignan per far digne ;
Quel viures dregz vol la re plus antica
.C. tans amar, sufren no doptos greuge,
Quel joy nozen loqual tot jorn s'abreuge,
24 Que may defalh on plus se multiplica.
IV. Cortes amix volontiers no s'aplica
D'amor coral ab degu que s'amuscle De fayzit vielh arden, per que no s'uscle 28 Lun temps ab el, si tot malvat no pica, Ni joves fols quan de lonh no s'agarda, Mas qu'aytals viu no fara ja miracle, • pueys sosmes n'aura son tabernacle mal ab fola gen muzarda.
[Fo 24 n°] V. Det viu totz oms que de jotz clau velharda No te cecret de mals nin pert lo nombre,
Don pueus se tanh que ses fi s'en azombre 36 Jotz lo fruchier d'amor que son frug tarda; Pero lun temps, quan bonamen nos laura, No pot gitar frug precios ni redre
Sabor plazen tal que monte sul cedre, 40 Que met lo joy que tot lo mon restaura.
VI. Merevilhos sera le jorns que l'aura
Vendra ses par que ja no serem nostre,
Ni sol mas us no sera que nos mostre
44 Deguna re verda, roia ni saura,
Qu'exeptat nos tot so que par de vista
Defalhira, so deu quasqus entendre,
Per que devem tug cumprar e revendre
48 Lo joy d'amor qu'am be far se conquista.
VII. Fenestra d'aur quins els cels dona vista,
Roza d'abril on volc Jezus dishendre,
Clam vos merse, Dona, que volhatz prendre 52 Lo jorn darrier m'arma, que nos n'an trista.
Le digz frayre Ramons. Vers.
I. Als no sabens vuelh far un vers del joy
D'amor, ques tanh d'ome que vol riota
Sufrir ab gaug, que dregz mal no lin nota,
4 Car vol tener so que perdo li croy.
Donx qui volra d'aquest esser dregz pars
Venda sos bes e crumpe ne gazarma
Fina talhan, el cors perden e l'arma,
Siega per mort lo rey de grans afars
E cars.
II. Buous ni motos, cabirols ni singlars
No preza mot, ni car morta caytiva,
Fols oms de cors mas d'ome pur que viva
13 Fayta de pa que lalh done parlars;
E qui no vol d'aquesta per arlot
Sera tengutz, ans que del rey se parta.
Gardem nos tug, quel lop son en la barta,
Fedas semblan, que veno lo gran trot
Dins l'Ot.
III. Covidatz es, pagan desse l'escot,
Totz oms, sil platz, de manjar a la taula
Del rey murtrier, sil leos no ditz faula,
22 Mas que romput no viesta sobrecot;
Per que totz oms porte lay gran tezaur,
Sey vol manjar, o sera del registre
Dels covidatz mogutz per tal ministre
Quel plagara de la bana d'un taur
Gran laur.
IV. Dels be vestitz seran li fermalh d'aur
O ja gardat no seran per nulh pastre,
Mas que vendran en las mas de payrastre
31 Tug negre dins e deffora mot saur ;
Pero de say n'auran vil gaug rescost
De jotz per cert vestimenta fort paubra,
Tan que vestir degus oms no la saubra,
Si gardes be sa valor e son cost
En post.
V. En la mayzo d'un ome ric prebost
Seran ufert sels que vendran iretge
Contra la fe del cors, e seran metge
40 Saben e cert d'armas portar en ost:
Mas oms de patz que vuelha noyrir tort,
Per alegrar, o rossinhol o merle,
Sera cuntatz per nessi filh esterle,
Senes eret, cum son en tota cort
Li bort.
|